ஆங்கிலப் பேச்சின் கூறுகள் (Parts of Speech)

மனித உடலின் செயல்பாடுகளுக்கு கை, கால், தலை, மூட்டு என ஒவ்வொரு உடற்கூறுகளும் பயன்படுவதுப் போன்றே, ஒரு மொழியின் பேச்சுக்கு அம்மொழியின் சொற்கூறுகள் அவசியமாகின்றன. எமது உடல் உறுப்புகள் ஒவ்வொன்றும் அதற்கதற்கான தனித்த செயல்பாடுகளைக் கொண்டிருப்பது போன்றே; ஒவ்வொரு சொற்களின் வகைகளும் அதற்கதற்கான தனித்த செயல்பாடுகளை கொண்டுள்ளன. அதேவேளை அச்சொற்கள் தனித்தும், ஒருமித்தும், இடத்திற்கு ஏற்ப மாறுபட்டும் பயன்படுபவையாகும்.

உலகில் எந்த மொழியானாலும் ஒரு மொழியின் மூலம் சொற்களே (Words) ஆகும். ஒரு மொழியில் புழங்கும் சொற்களை வைத்தே அது எம்மொழி என அறிய முடிகிறது. சொற்கள் எனும் போது சொற்களின் பயன்பாடுகள் வெவ்வேறானவை. பெயர்களை அல்லது பொருற்களை குறிப்பதற்கான சொற்கள் பெயர்சொற்கள் என்றும், வினையை  விவரிப்பதற்கான சொற்கள் வினைச்சொற்கள் என்றும், பொருற்களின் தன்மையை விவரிப்பதற்கான சொற்கள் பெயரெச்சங்கள் என்றும், வினையின் தன்மையை விவரிப்பதற்கான சொற்கள் வினையெச்சங்கள் என்றும், ஒருவரின் அல்லது ஒன்றின் பெயரைக் குறிப்பிடாமல் சுட்டிக்காட்டிப் பேசுவதற்கான சொற்கள் சுட்டுப்பெயர்ச்சொற்கள் என்றும், வாக்கியங்களை அல்லது சொற்களை இணைப்பதற்கு இடையே பயன்படும் சொற்கள் இணைப்புச்சொற்கள் என்றும்,   பேசும் மொழியில் பயன்படும் சொற்களின் பயன்பாட்டை எளிதாக விளங்கிக்கொள்வதற்கும், கற்பதற்கும் சொற்களை பல்வேறு கூறுகளாக வகைப்படுத்தப்பட்டுள்ளன. அவற்றை தமிழில் “பேச்சின் கூறுகள்” என்று அழைக்கப்படுகின்றது. சிலர் “சொற்களின் வகைகள்” என்றும் கூறுவர்.

ஆங்கிலத்தில் பேச்சின் கூறுகளை எட்டாக வகைப்படுத்தியுள்ளனர். அவைகளே “ஆங்கிலப் பேச்சின் கூறுகள்” (Parts of Speech in English) ஆகும்.

ஆங்கிலப் பேச்சின் கூறுகள் (Parts of Speech in English)

Nouns – பெயர்சொற்கள்
Verbs – வினைச்சொற்கள்
Adjectives – பெயரெச்சங்கள் / பெயருரிச்சொற்கள்
Adverbs – வினெயெச்சங்கள் / வினையுரிச்சொற்கள்
Pronouns – சுட்டுப்பெயர்ச்சொற்கள்
Prepositions – முன்னிடைச்சொற்கள்
Conjunctions – இணைப்புச்சொற்கள் / இடைச்சொற்கள்
Interjections - வியப்பிடைச்சொற்கள்

மேலதிக விளக்கங்களை கீழே பாருங்கள்.

Nouns – பெயர்சொற்கள்

---

பொருற்கள், நபர்கள், இடங்கள் போன்றவற்றை குறிக்கும் பெயர்கள் அல்லது சொற்கள் பெயர்ச்சொற்களாகும்.

எடுத்துக்காட்டாக:

Manager - நிர்வாகி
Car - மகிழுந்து
England - இங்கிலாந்து
Sarmilan - சர்மிலன்
Tamil - தமிழ்

He is a Manager.
அவர் ஒரு நிர்வாகி. மேலும் >>>

Verbs – வினைச்சொற்கள்

---

வினையை அல்லது செயலை குறிக்கும் சொற்கள் வினைச்சொற்களாகும்.

எடுத்துக்காட்டாக:

Do - செய்
Come - வா
Speak - பேசு
Ask - கேள்
Go - போ

I do a job.
நான் செய்கிறேன் ஒரு வேலை. மேலும் >>>

Adjectives – பெயரெச்சங்கள் / பெயரடைகள் / பெயருரிச்சொற்கள்

---

ஒரு பொருளின், இடத்தின், நபரின் (பெயரின்) குணத்தினை அல்லது தன்மையை மேலும் விவரித்துக்கூற பயன்படுபம் சொற்கள் பெயரெச்சங்ளாகும். இவை சுட்டுப்பெயர்களை விவரித்துக்கூறவும் பயன்படும்.

எடுத்துக்காட்டாக:

Red - சிகப்பு
Yellow - மஞ்சள்
Big - பெரிய
Small - சிறிய
Beautiful - அழகான

She is a beautiful girl.
அவள் ஒரு அழகான பெண். மேலும் >>>

Adverbs – வினெயெச்சங்கள் / வினையடைகள்  / வினையுரிச்சொற்கள்

---

வினையின் அல்லது செயலின் தன்மையை மேலும் விவரித்து பேசுவதற்கு பயன்படும் சொற்கள் வினையெச்சங்கள் எனப்படும்.

எடுத்துக்காட்டாக:

Usually - சாதாரணமாக
Really - உண்மையாக/ உண்மையில்
Immediately - உடனடியாக
Quickly - வேகமாக
Softly - மென்மையாக

Usually I do a job.
சாதாரணமாக நான் செய்கிறேன் ஒரு வேலை. மேலும் >>>

Pronouns – சுட்டுப்பெயர்கள் / பிரதிப்பெயர்கள் / சுட்டுப்பெயர்ச்சொற்கள்

---

ஒன்றின் அல்லது ஒருவரின் பெயரைக் குறிப்பிடாமல்; அதற்கு பதிலாக சுட்டிக்காட்டி பேசுவதற்கு பயன்படும் சொற்கள் சுட்டுப்பெயர்கள் அல்லது சுட்டுப்பெயர்ச்சொற்கள் என அழைக்கப்படும்.

எடுத்துக்காட்டாக:

He - அவன்
She - அவள்
It - அது
him - அவனை
her - அவளை

Sarmilan speaks in English.
சர்மிலன் பேசுகிறான் ஆங்கிலத்தில்.

He speaks in English.
அவன் பேசுகிறான் ஆங்கிலத்தில். மேலும் >>>

Prepositions – முன்னிடைச்சொற்கள்

---

ஒரு வாக்கியத்தின் பெயர்சொற்களுக்கும் சுட்டுப்பெயர்சொற்களுக்கும் முன்பாக பயன்படும் சொற்கள் முன்னிடைச்சொற்களாகும்.

எடுத்துக்காட்டாக:

in - இன், இல்
at - இல், ஆல்
on - இல், மேல்
for - காக
since - இருந்து

Do you work on Mondays?
நீ வேலை செய்கிறாயா திங்கள் கிழமைகளில்? மேலும் >>>

Conjunctions – இணைப்புச்சொற்கள் / இடைச்சொற்கள்

---

இரண்டு அல்லது இரண்டிற்கு மேற்பட்ட சொற்கள் மற்றும் வாக்கியங்கள் இடையே இணைப்பை ஏற்படுத்தும் சொற்கள் இணைப்புச்சொற்களாகும். இதனை இடையிணைப்புச் சொற்கள் என்றும் கூறலாம்.

எடுத்துக்காட்டாக:

and - உம்
but - ஆனால்
or - அல்லது
than - விட
because - ஏனெனில்

I ate bread and butter.
நான் உரொட்டியும் வெண்ணையும் சாப்பிட்டேன். மேலும் >>>

Interjections - வியப்பிடைச்சொற்கள்

---

பேச்சின் பொழுது வியப்பு, ஆச்சரியம் போன்ற உணர்வை வெளிப்படுத்தப் பயன்படும் சொற்கள் வியப்பிடைச்சொற்களாகும்.

எடுத்துக்காட்டாக:

Wow!
Ha!
Hi!
hello!
Oh!

Wow! I won the match!
வோவ்! நான் ஆட்டத்தில் வென்றேன்! மேலும் >>>

Eight Parts of Speech in a Sentence

---

ஆங்கில மொழியின் பிரதானப் பேச்சின் கூறுகள் எட்டும் ஒரே வாக்கியத்தில் எவ்வாறு பயன்படுகின்றன என்பதை கீழுள்ள எடுத்துக்காட்டுகள் ஊடாக பார்க்கலாம்.

Sarmilan goes to School. (Three Parts)
Noun Verb Preposition Noun
சர்மிலன் போகிறான் பாடசாலைக்கு.

Sarmilan and his sister go to school. (Five Parts)
Noun Conjunction Pronoun Noun Verb Preposition Noun
சர்மிலனும் அவனது தங்கையும் போகிறார்கள் பாடசாலைக்கு.

Sarmilan and his little sister go to school. (Six Parts)
Noun Conjunction Pronoun Adjective Noun Verb Preposition Noun
சர்மிலனும் அவனது சிறிய தங்கையும் போகிறார்கள் பாடசாலைக்கு.

Wow! Sarmilan and his little sister go to school happily. (All Eight Parts of Speech)
Interjection Noun Conjunction Pronoun Adjective Noun Verb Preposition Noun Adverb
வாவ்! சர்மிலனும் அவனது சிறிய தங்கையும் போகிறார்கள் பாடசாலைக்கு மகிழ்ச்சியுடன்.

குறிப்பு:

---

ஆங்கில மொழியை சரியாகக் கற்பதற்கு ஆங்கில வாக்கியங்களில் ஆங்கில சொற்கள் எவ்வாறு இடம்பெறுகின்றன என்பதை சரியாக விளங்கிக்கொள்ளல் மிக முக்கியமான ஒன்றாகும். அதற்கு ஆங்கிலப் பேச்சின் கூறுகளை வகைப்படுத்தி ஆங்கிலம் கற்றல் பயன்மிக்கது. வாக்கிய அமைவுகளில் ஆங்கிலப் பேச்சின் கூறுகள் எவ்வாறு பயன்படுகின்றன என்பதை சரியாக விளங்கிக்கொண்டீர்களானால், ஆங்கிலச் சொற்களை சரியாக வடிவமைத்து பேசவும், வாக்கியங்களை ஒழுங்கமைத்து எழுதவும் எளிதாக இருக்கும்.

தொடர்புடையப் பாடங்கள்:

---

• ஆங்கிலப் பேச்சின் கூறுகள் (Pars Of Speech in English)
• ஆங்கிலப் பெயர்ச்சொற்கள் (Nouns)
• ஆங்கில வினைச்சொற்கள் (Verbs)
• ஆங்கிலப் பெயருரிச்சொற்கள் (Adjectives)
• ஆங்கில வினையுரிச்சொற்கள் (Adverbs)
• ஆங்கில சுட்டுப்பெயர்கள் (Pronouns)
• ஆங்கில முன்னிடைச்சொற்கள் (Prepositions)
• ஆங்கில இணைப்புச்சொற்கள் (Conjunctions)
• ஆங்கில வியப்பிடைச்சொற்கள் (Interjections)

சரி! மீண்டும் அடுத்தப் பாடத்தில் சந்திப்போம். அதுவரை உங்கள் பயிற்சிகளைத் தொடருங்கள்.

இப்பாடம் தொடர்பான ஏதேனும் கேள்விகள் அல்லது சந்தேகங்கள் இருந்தால் பின்னூட்டத்தில் கேளுங்கள்.

நன்றி!

அன்புடன்
அருண் HK Arun

சொற்கள் வகை, சொற்களின் வகை, சொற்கூறுகள், இலக்கண கூறுகள், இலக்கணக் கூறுகள், சொற்களின் கூறுகள், ஆங்கில இலக்கணம், இலக்கனம், விதிமுறைகள்

Download As PDF

பழங்கள் (List of Fruits)

பழ வகைகளின் பெயர்கள் இங்கே ஆங்கிலத்திலும் தமிழிலும் கொடுக்கப்பட்டுள்ளன. அவற்றில் பல பழங்களின் தமிழ் பெயர்கள் தெரியாததால் அல்லது இல்லாததால் ஆங்கில ஒலிப்பெயர்ப்புச் சொற்களாகவே பயன்படுத்தப்பட்டுள்ளன. அப்பெயருக்குரிய பழங்கள் எது என்று தெரியாவிட்டால், குறிப்பிட்ட பெயரைச் சொடுக்கி பழத்தின் நிழல் படத்தைப் பார்த்து அறிந்துக்கொள்ளுங்கள்.

இப்பழங்களின் பெயர்களுக்கான சரியான உச்சரிப்புக்களைப் பெற்றுக்கொள்ள விரும்புவோர் கீழே இணைக்கப்பட்டிருக்கும் ஒலிக்கோப்பினைச் சொடுக்கி பயிற்சிப் பெறலாம்.

List of Fruits.mp3

இல	ஆங்கிலம்	தமிழ்
1	Apple	குமளிப்பழம், சீமையிலந்தப்பழம்
2	Ambarella	அம்பிரலங்காய்
3	Annona	சீத்தாப்பழம்
4	Annona muricata	முற்சீத்தாப்பழம்
5	Apricot	சர்க்கரைப்பாதாமி
6	Avocado	வெண்ணைப்பழம்/ஆனைக்கொய்யா
7	Banana	வாழைப்பழம்
8	Batoko Plum	லொவிப்பழம்
9	Bell fruit	பஞ்சலிப்பழம், ஜம்பு
10	Bilberry	அவுரிநெல்லி
11	Blackberry	மேற்கத்திய நாவற்பழம்
12	Black currant	கறுந்திராட்சை
13	Blueberry	ஒரு வகை நெல்லி
14	Bread fruit	கொட்டைப்பலா, சீமைப்பலா
15	Butter fruit	ஆனைக்கொய்யா
16	Cantaloupe	மஞ்சல் நிற முலாம்பழம்
17	Cashew fruit	முந்திரிப்பழம், கஜு
18	Cherimoya	சீத்தாப்பழம்
19	Cherry	சேலாப்பழம்
20	Chickoo	சீமையிலுப்பை
21	Citron	கடார நாரந்தை
22	Citrus aurantium	கிச்சலிப்பழம்
23	Citrus reticulata	கமலாப்பழம்
24	Citrus sinensis	சாத்துக்கொடி
25	Clementine	நாரந்தை
26	Cocoa fruit	கொகோப்பழம்
27	Cranberry	குருதிநெல்லி
28	Cucumber	வெள்ளரிப்பழம்
29	Custard apple	சீத்தாப்பழம்
30	Damson	ஒரு வித நாவல் நிறப்பழம்
31	Date fruit	பேரீச்சம் பழம்
32	Devilfig	பேயத்தி
33	Dragon fruit	ட்றொகன் பழம்
34	Duku	டுக்கு
35	Durian	முள்நாரிப்பழம், தூரியன்
36	Emblica	நெல்லி
37	Eugenia rubicunda	சிறு நாவற்பழம்
38	Feijoi/Pinealle guava	புளிக்கொய்யா
39	Fig	அத்திப்பழம்
40	Persimmon fruit	சீமை பனிச்சம்பழம்
41	Gooseberry	கூஸ்பெறி
42	Grapefruit	பம்பரமாசு
43	Grapes	கொடி முந்திரி, திராட்சை
44	Guava	கொய்யாப்பழம்
45	Honeydew melon	தேன் முழாம்பழம்
46	Huckle berry	(ஒரு வித) நெல்லி
47	Jack fruit	பலாப்பழம்
48	Jumbu fruit	ஜம்புப்பழம்/ பஞ்சலிப்பழம்
49	Jamun fruit	நாகப்பழம்
50	Kiwi fruit	பசலிப்பழம்
51	Kumquat	(பாலைப்பழம் போன்ற ஒருப்பழம்)
52	Kundang	மஞ்சல் நிற சிறிய பழம்
53	Lansium	லன்சியம்
54	Lemon	வர்க்கப்பழம்
55	Lime	எழுமிச்சை
56	Loganberry	லோகன் பெறி
57	Longan	கடுகுடாப் பழம்
58	Louvi fruit	லொவிப்பழம்
59	Lychee	லைச்சி
60	Mandarin	மண்டரின் நாரந்தை
61	Mango	மாம்பழம்
62	Mangosteen	மெங்கூஸ் பழம்
63	Melon	இன்னீர்ப் பழம், முழாம்பழம்
64	Morus macroura	மசுக்குட்டிப்பழம்
65	Mulberry	முசுக்கட்டைப் பழம்
66	Muscat grape	திராட்சை
67	Orange	தோடம்பழம்
68	Palm fruit	பனம் பழம்
69	Papaya	பப்பாப் பழம்
70	Passion fruit	கொடித்தோடை
71	Peach	குழிப்பேரி
72	Pear	பேரி, பெயார்ஸ்
73	Pine apple	அன்னாசிப் பழம்
74	Plum	ஆல்பக்கோடா
75	Pomegranate	மாதுளம் பழம், மாதுளை
76	Pomelo	பம்பரமாசு
77	Pulasan	(ஒரு வகை)றம்புட்டான்
78	Quince	சீமை மாதுளம்பழம்
79	Rambutan	றம்புட்டான்
80	Rasberry	புற்றுப்பழம்
81	Red banana	செவ்வாழைப் பழம்
82	Red Currant	ஒரு வித லொவி
83	Sapodilla	சீமையிலுப்பை
84	Satsuma	நாரத்தை
85	Sour sop/ Guanabana	அன்னமுன்னா பழம்
86	Strawberry	செம்புற்றுப்பழம்
87	Syzygium	ஜம்புப்பழம்
88	Tamarillo	குறுந்தக்காளி
89	Tamarind	புளியம்பழம்
90	Tangerine	தேன் நாரந்தை
91	Tomato	தக்காளிப்பழம்
92	Ugli fruit	முரட்டுத் தோடை
93	Water melon	வத்தகைப்பழம், குமட்டிப்பழம், தர்பூசணி
94	Wax jumbu	நீர்குமளிப்பழம்
95	Resberry	இளஞ்செம்புற்றுப் பழம்
96	Woodapple	விளாம்பழம்

குறிப்பு:

ஆங்கிலத்தில் எழுதப்பட்டிருக்கும் எல்லாப் பழங்களின் பெயர்களுக்கும் தமிழில் பெயர் இல்லை. அதற்காக நாம் கவலைப்பட வேண்டியதும் இல்லை என்றே நினைக்கின்றேன். காரணம் உலகில் வெவ்வேறு தேசங்களில் அந்தந்த நாட்டு தற்ப வெப்ப சூழ்நிலைகளுக்கு ஏற்ப உற்பத்தியாகும் பழங்களின் பெயர்கள் அநேகமானவை, அவை உற்பத்தியாகும் நாடுகளில் வழங்கப்பட்டப் பெயர்களாலேயே எல்லோராலும் அறியப்படுகின்றது/அழைக்கப்படுகின்றது.

உதாரணமாக:

Lychee - லைச்சி (இது சீனாவில் அதிகமாகக் காணப்படும் ஒரு விதப்பழம். சீன மொழியிலான " Lychee" எனும் பெயரே இன்று உலகளாவிய ரீதியாகப் புழக்கத்தில் உள்ளது. இன்னுமொரு பழம் "Mandarin" இது ஒரு சில அடிகள் மட்டுமே வளரும் சிறிய மரத்தில் தோன்றும் ஒரு வித நாரந்தம் பழம். சீன மண்டரின் மக்களின் பெருநாள் காலத்தில் (இம்மரத்தின் காய்கள் பழுக்கும் காலம்) அப் பழங்களோடு மரத்தை வீடுகளில், கட்டிடங்களில் அழகுக்கு வைப்பது அவர்கள் மரபு. இதனால் இப்பழத்தின் பெயர் "Mandarin" என்றே பொதுவாக எல்லோராலும் அழைக்கப்படுகின்றது.

தமிழில் எமது மொழிப் பெயரான "மாங்காய்" என்பதையல்லோ "Mango" என்று ஆங்கிலத்திலும் அழைக்கப்படுகின்றது.

எனவே உலகில் உள்ள எல்லா வகையானப் பழங்களது பெயர்களையும் தமிழ் படுத்துதல் அவசியமான ஒன்றாகத் தோன்றவில்லை. அப்படியே தமிழ் படுத்தினாலும் அது அனைத்து தமிழ் சமுகத்தையும் சென்றடையுமா? என்பது இன்னுமொரு கேள்வியாகும். "Apple" எனும் பழத்திற்கு தமிழில் குமளிப்பழம், சீமையிலந்தம்பழம், அரத்திப்பழம் என்றெல்லாம் தமிழ் படுத்தப்பட்டுள்ளது. ஆனாலும் பயன்பாட்டில் "ஆப்பிள்" எனும் சொல்தான் அனைவரதும் புழக்கத்தில் இருக்கிறது.

இருப்பினும் புழக்கத்தில் வேற்று மொழி சொற்களை நாம் பயன்படுத்தினாலும், அவற்றிற்கான தமிழ் கலைச்சொற்கள் இருக்குமாயின் அவற்றை தமிழர்களான நாம் அறிந்து வைத்துக்கொள்ளுதல் அவசியமானதாகும். இவ்வலைத்தளத்தில் எழுதப்பட்டிருக்கும் பழங்களின் பெயர்களுக்கான தமிழ் கலைச்சொற்கள் அல்லது வேறு ஒத்தக்கருத்துச் சொற்கள் அறிந்திருப்பீர்களானால் அவற்றைப் பின்னூட்டத்தில் குறித்து வைத்துவிட்டுச் செல்லும் படிக்கேட்டுக்கொள்கின்றேன். அவை யாரேனும் ஒருவருக்கு பயன்படலாம் அல்லவா?
பழம் தமிழ் -ஆங்கிலம் அருஞ்சொற்கள், அருஞ் சொற்கள், அருஞ் சொல், பழங்கள் தமிழ் கலைச் சொற்கள், கலைச்சொல், கலைச்சொற்கள், Fruits Tamil Glossary, 96 Fruit Names, Names of Fruits in Tamil and English, Glossary of Modern Tamil Names of Fruits
நன்றி!

அன்புடன்
அருண் | HK Arun Download As PDF

ஆங்கில பாடப் பயிற்சி 16 (can /be able to)

இதுவரை நாம் Grammar Patterns -1 றின் பதினான்காவதாக வாக்கியம் வரை விரிவாகக் கற்றுள்ளோம். இன்று நாம் 15, 16, 17, 18 ஆகிய இலக்கங்களின் வாக்கிய அமைப்புக்களை விரிவாகக் கற்கப் போகின்றோம்.

இந்த "ஆங்கிலம்" வலைத்தளத்திற்கு நீங்கள் புதிய வருகையாளர் என்றால், எமது ஆங்கில பாடப் பயிற்சிகளைத் தொடர விரும்புவரானால் உங்கள் பயிற்சிகளை ஆங்கில பாடப் பயிற்சி 1 -லிருந்து தொடருவதே எளிதானதாக இருக்கும்.

சரி இன்றைய பாடத்திற்குச் செல்வோம்.

15. I can do a job.
16. I am able to do a job.
எனக்கு செய்ய முடியும் ஒரு வேலை.

17. I can't do a job.
18. I am unable to do a job.
எனக்கு செய்ய முடியாது ஒரு வேலை.

இன்றையப் பாடத்தில் 15, 16 இரண்டு வாக்கியங்களுக்குமான தமிழ் அர்த்தம் ஒரே மாதிரியாகவே கொடுக்கப்பட்டுள்ளது. ஆம் "can" என்பதும் " + able to" என்பதும் ஒத்தக்கருத்தையே வெளிப்படுத்துகின்றன. இவை நிகழ்காலத்தின் (முடியும்/முடியாது) ஆற்றலை அல்லது சாத்தியத்தை வெளிப்படுத்த பயன்படுவனவாகும். அநேகமாக பேசும் போது “can” அதிகளவிலும், எழுதும் போது அல்லது விண்ணப்பங்கள் செய்திகள் போன்றவற்றில் “+ able to” அதிகளவில் பயன்பாட்டில் இருப்பதையும் அவதானிக்கலாம்.

பயன்பாட்டில் இவ்விரண்டு வாக்கிய அமைப்புக்களினதும் பொருள் ஒரே மாதிரியானதாக இருக்கின்றப் போதிலும், இவை இரண்டுக்குமான வேறுப்பாடு, “can” ஒரு துணைவினையாகும். ஆனால் “be able to” ஒரு துணைவினையல்ல.

எனவே இவைகள் இரண்டையும் இரண்டுப் பகுதிகளாகப் பிரித்து விரிவாகப் பார்ப்போம்.

பகுதி - 1
-----------------------------------------------------------------
Can ஒரு துணைவினையாகும். (Can is an auxiliary verb, a modal auxiliary verb) இதன் பயன்பாடுகளாவன.

1. ஆற்றலை வெளிப்படுத்தல், நிகழக்கூடிய/நிகழ்த்தக்கூடிய சாத்தியத்தை (முடியும் முடியாது என) வெளிப்படுத்தல்
2. வேண்டுகோள் விடுத்தல்
3. அனுமதி கோரல்

Positive (Affirmative)
Subject + Auxiliary verb + Main verb
1. I / He/ She/ It/ You/ We/ They + can + do a job.

Negative
Subject + Auxiliary verb + not + Main verb
1. I/ He/ She/ It/ You/ We/ They + can + not + do a job.

Question (Interrogative)
Auxiliary verb + Subject + Main verb
1. Can + I/ he/ she/ it/ you/ we/ they + do a job?

இவ்வாக்கிய அமைப்புக்களை சற்றுக் கவனியுங்கள். இவற்றில் I, He, She, It, You, We, They என சகல வாக்கிய அமைப்புக்களோடும் "Can" மட்டுமே துணை வினையாகப் பயன்படுகின்றது. (Can is invariable. There is only one form of can.)

கீழுள்ள உதாரணங்களைப் பார்க்கவும்.

Can you do a job?
உனக்கு செய்ய முடியுமா ஒரு வேலை?
Yes, I can do a job.
ஆம், எனக்கு செய்ய முடியும் ஒரு வேலை.
No, I can’t do a job. (can + not)
இல்லை, எனக்கு செய்ய முடியாது ஒரு வேலை.

Can you speak in English? (வேண்டுகோள்)
உனக்கு பேச முடியுமா ஆங்கிலத்தில்?
Yes, I can speak in English.
ஆம், எனக்கு பேச முடியும் ஆங்கிலத்தில்.
Sorry, I can’t speak in English. (can + not)
மன்னிக்கவும், எனக்கு பேச முடியாது ஆங்கிலத்தில்.

Can I smoke in this room? (அனுமதி கோரல்)
எனக்கு புகைப்பிடிக்க முடியுமா இந்த அறையில்?
Yes, you can smoke in this room.
ஆம், உனக்கு புகைப்பிடிக்க முடியும் இந்த அறையில்.
Sorry, you can’t smoke in this room. (can + not)
மன்னிக்கவும், உனக்கு புகைப்பிடிக்க முடியாது இந்த அறையில். (அனுமதி மறுக்கப்படுகின்றது)

கவனிக்கவும்:

முக்கியமாக இவ்வாக்கிய அமைப்புக்களில் பிரதான வினை எப்போதும் "bare infinitive" வாகவே பயன்படும். அதாவது பிரதான வினைச்சொல்லுடன் வினையெச்சம் "to" இணைந்து வராது. (The main verb is always the bare infinitive. 'infinitive without "to").

இவற்றையும் மனதில் வைக்கவும்

குறிப்பாக "can" இன் பயன்பாடு நிகழ்காலத்தையே குறிக்கும். இருப்பினும் இவ்வாக்கிய அமைப்புக்களோடு எதிர்கால சொற்கள் இணைந்து பயன்படுத்துமிடத்து எதிர்கால வாக்கியங்களாகவும் சில சந்தர்ப்பங்களில் பயன்படும்.

உதாரணம்:

Can you come with me today?
உனக்கு வரமுடியுமா என்னுடன் இன்று?

Yes, I can come with you today.
ஆம், எனக்கு வரமுடியும் உன்னுடன் இன்று. (நிகழ்காலம்)

Sorry. I can’t. But I can come with you tomorrow.
மன்னிக்கவும், எனக்கு முடியாது. ஆனால் எனக்கு வரமுடியும் உன்னுடன் நாளை. (எதிர்காலம்)

அதாவது “tomorrow” எனும் சொற்பதம் இணைந்து வந்துள்ளதால் அது எதிர்கால வாக்கியமாகப் பயன்படுகின்றது என்பதை நினைவில் கொள்க.

பகுதி – 2
-----------------------------------------------------------------
நிகழ்காலத்தின் ஆற்றல்களை வெளிப்படுத்தும் “can” போன்றே “+ able to” என்பதும் நிகழ்காலத்தின் (முடியும்/ முடியாது) ஆற்றல்களை அல்லது சாத்தியத்தை வெளிப்படுத்த பயன்படும் விதத்தை இப்பாடத்தில் பார்ப்போம். இருப்பினும் + able to ஒரு துணை வினையல்ல என்பதை நினைவில் வைத்துக்கொள்ளுங்கள்.

இந்த “+ able to” இன் பயன்பாடு நிகழ்காலத்தில் எவ்வாறு பயன்படுகின்றது என்று கீழுள்ள உதாரணங்களைப் பார்க்கவும்.

Positive (Affirmative)
Subject + be + able + infinitive
1. I + am + able + to + do a job
2. He/ She/ It + is + able + to + do a job.
3. You/ We/ They + are + able + to + do a job.

Negative
Subject + be + able + infinitive
1. I + am not + able + to + do a job
2. He/ She/ It + is not + able + to + do a job.
3. You/ We/ They + are not + able + to + do a job.

Question (Interrogative)
Be + Subject + able + infinitive
1. Am + I + able + to + do a job?
2. Is + he/ she/ It + able + to + do a job?
3. Are + you/ we/ they + able + to + do a job?

மேலும் சில உதாரணங்கள் கேள்வி பதில்களாக கீழே கொடுக்கப்பட்டுள்ளன. இவற்றைப் பார்க்கவும்.

Are you able to do a job?
உனக்கு முடியுமா செய்ய ஒரு வேலை?
Yes, I am able to do a job.
ஆம், எனக்கு முடியும் செய்ய ஒரு வேலை.
No, I am unable to do a job. (am not able to என்றும் கூறலாம்)
இல்லை, எனக்கு முடியாது செய்ய ஒரு வேலை.

Are you able to speak French?
உனக்கு பேச முடியுமா பிரஞ்சு?
Yes, I am able to speak French.
ஆம், எனக்கு பேச முடியும் பிரஞ்சு.
No, I am unable to speak French. (am not able to என்றும் கூறலாம்)
இல்லை, எனக்கு பேச முடியாது பிரஞ்சு.

Are you able to drive heavy vehicles?
உனக்கு ஓட்ட முடியுமா கனரக வாகனங்கள்?
Yes, I am able to drive heavy vehicles
ஆம், எனக்கு ஓட்ட முடியும் கனரக வாகனங்கள்.
No, I am unable to drive heavy vehicles. (am not able to என்றும் கூறலாம்)
இல்லை, எனக்கு ஓட்ட முடியாது கனரக வாகனங்கள்.

கவனிக்கவும்:

“+ able to” இன் பயன்பாடு ஆற்றல்களை வெளிப்படுத்துவதற்கு பயன்படுவதாயினும் அது நிகழ்காலத்தில் மட்டுமின்றி இறந்தக்காலம், எதிர்காலம் என பல்வேறு வடிவிலும் பயன்படுகின்றது. அதாவது முடியும், முடியுமாக இருந்தது, முடியுமாக இருக்கும், முடியுமாக இருக்கலாம் என இன்னும் பல. அவற்றை எதிர்வரும் பாடங்களில் கற்கலாம். இன்றையப் பாடத்தில் “+ able to” இன் நிகழ்காலப் பயன்பாட்டை மட்டுமே விரிவாகக் கற்றுள்ளோம்.

Be able to வாக்கிய அமைப்புக்களின் வினையுடன் வினையெச்சம் “to” இணைந்து பயன்படும். (be able to has an infinitive form)

I + can என்பதற்குப் பதிலாக I + am able to
He/ She/ It + can என்பவற்றிற்குப் பதிலாக He/ She/ It + is able to
You/ We/ They + can என்பவற்றிற்குப் பதிலாக You/ We/ They + are able to பயன்படுத்தலாம் என்பது உங்களுக்கு எளிதாக விளங்கியிருக்கும்.

பயிற்சி (Listening Practice)
----------------------------------------------------------------
மேலும் சில வாக்கியங்களை தமிழ் விளக்கத்துடன் பயிற்சி செய்வோம்.

ஒலிவடிவாகவும் பயிற்சி செய்யலாம்.

Aangilam.blog.mp3

1. I can drive a car.
I am able to drive a car.
எனக்கு ஓட்ட முடியும் ஒரு மகிழூந்து

2. I can swim in the sea.
I am able to swim in the sea.
எனக்கு நீந்த முடியும் கடலில்.

3. I can play tennis.
I am able to play tennis.
எனக்கு விளையாட முடியும் டென்னிஸ்.

4. I can speak five languages
I am able to speak five languages
எனக்கு பேச முடியும் ஐந்து மொழிகள்.

5. I can use my credit card.
I am able to use my credit card
எனக்கு பாவிக்க முடியும் எனது கடனட்டை(யை)

6. I can change my email ID.
I am able to change my email ID.
எனக்கு மாற்ற முடியும் எனது மின்னஞ்சல் அடையாளத்தை.

7. I can hear your heartbeat.
I am able to hear your heartbeat.
எனக்கு கேட்க முடியும் உனது இதயத்துடிப்பை.

8. I can get USA citizenship
I am able to get USA citizenship.
எனக்கு பெற முடியும் USA குடியுரிமை.

9. I can upload a game to my ipod.
I am able to upload a game to my ipod.
எனக்கு பதிவேற்ற முடியும் ஒரு ஆட்டத்தை எனது ஐபொட்டிற்கு.

10. I can imagine
I am able to imagine
எனக்கு கற்பனைச்செய்ய முடியும்.

11. I can see clearly now
I am able to see clearly now.
எனக்கு பார்க்க முடியும் தெளிவாக இப்பொழுது.

12. I can save images from the Internet
I am able to save images from the Internet
எனக்கு சேமிக்க முடியும் நிழற்படங்களை இணையத்திலிருந்து.

13. I can download Tamil movies
I am able to download Tamil movies
எனக்கு பதிவிறக்க முடியும் தமிழ் திரைப்படங்கள்.

14. I can practice my religion freely.
I am able to practice my religion freely.
எனக்கு பின்பற்ற முடியும் எனது மதத்தை சுதந்திரமாக. (இடையூறின்றி)

15. I can believe it
I am able to believe it.
எனக்கு நம்ப முடியும் இதை.

16. I can become a pilot
I am able to become a pilot
எனக்கு ஆக முடியும் ஒரு வானோடியாக.

17. I can change my template
I am able to change my template.
எனக்கு மாற்ற முடியும் எனது வார்ப்புருவை.

18. I can become a famous lawyer
I am able to become a famous lawyer
எனக்கு ஆக முடியும் ஒரு பிரசித்திப்பெற்ற சட்டவாளராக.

19. I can become an astronaut
I am able to become an astronaut
எனக்கு ஆக முடியும் ஒரு விண்வெளி பிரயாணியாக.

20. I can buy new products
I am able to buy new products
எனக்கு வாங்க முடியும் புதிய உற்பத்திகளை

21. I can do it alone.
I am able to do it alone.
எனக்கு செய்ய முடியும் இதை தனியாக.

22. I can walk slowly
I am able to walk slowly
எனக்கு நடக்க முடியும் மெதுவாக.

23. I can tolerate it
I am able to tolerate it
எனக்கு தாங்கிக்கொள்ள முடியும் இதை.

24. I can practice English at night
I am able to practice English at night
எனக்கு பயிற்சிசெய்ய முடியும் ஆங்கிலம் இரவில்

25. I can learn English in aangilam.blogspot.com.
I am able to learn English in aangilam.blogspot.com.
எனக்கு கற்க முடியும் ஆங்கிலம் aangilam.blogspot.com இல்.

Homework:

1. மேலே நாம் கற்ற 25 வாக்கியங்களையும் கேள்வி பதிலாக மாற்றி எழுதி பயிற்சிப் பெறுங்கள்.

2. கேள்வி பதிலுமாக மாற்றியவற்றைப் பேசி பயிற்சி செய்யுங்கள்.

3. மேலும் He, She, It, You, They, We போன்றச் சொற்களை இணைத்து வாக்கியங்கள் அமைத்தும் பயிற்சிச் செய்யலாம்.

4. உங்களால் "முடியும்" என்று நீங்கள் நினைக்கும் உங்களது ஆற்றல்களைப் பட்டியல் இட்டுக்கொள்ளுங்கள். உங்களால் "முடியாது" என்று நீங்கள் நினைப்பவற்றையும் பட்டியலிட்டுக்கொள்ளுங்கள். பின் அவற்றை இன்று நாம் எமது பாடத்தில் கற்றவாறு எழுதிப் பயிற்சி செய்துப் பாருங்கள் எவ்வளவு எளிதாக ஆங்கிலம் பயிலக் கூடியதாக இருக்கும் என்று உங்களுக்கே ஆச்சரியமாக இருக்கும்.

தமிழில் போன்று ஆங்கிலத்தில் பேசும் ஆங்கிலம் எழுதும் ஆங்கிலம் என இரண்டு விதமான பயன்பாடுகள் இல்லை. எனவே எழுதியவற்றையே பேசிப் பழகுங்கள்; உங்களாலும் இலக்கணப் பிழையின்றி ஆங்கிலம் பேச முடியும்.
Engliah Grammar Explanation through Tamil. Free Tamil - English
நினைவில் வைத்துக்கொள்ளுங்கள்

"உலகில் எந்த மொழியானாலும் பேசும் மொழியைத் தான் இலக்கண விதிகளாக வகுக்கப் பட்டுள்ளதே தவிர, எந்த ஒரு மொழியும் இலக்கண விதிகளை வகுத்து விட்டு மக்களின் பேச்சுப் புழக்கத்திற்கு வரவில்லை."

குறிப்பு:

மரியாதைமிக்க நாகரீகமான ஆங்கிலப் பேச்சு வழக்கிற்கும் (Polite Form) இந்த “can” பயன்படுகின்றது. அவற்றை “Polite and More Polite” சிறப்பு பாடத்தில் பார்க்கவும்.

மீண்டும் அடுத்தப் பாடத்தில் சந்திப்போம்.

இன்றையப் பாடம் தொடர்பான சந்தேகங்கள் கேள்விகள் இருப்பின் வழமைப்போல் பின்னூட்டம் இட்டோ மின்னஞ்சல் ஊடாகவோ தொடர்புக்கொள்ளலாம்.

நன்றி - Spoken English in Tamil, Free Spoken English Through Tamil, Spoken English with Tamil Explanation ஆங்கிலம் பேசுவது எப்படி?
அன்புடன் ஆசிரியர் அருண் HK Arun Download As PDF

ஆங்கில பாடப் பயிற்சி 15 (was/were going to)

இன்று நாம் Grammar Patterns -1 றின் பதினான்காவதாக அமைந்திருக்கும் வாக்கியத்தை விரிவாகக் கற்போம்.

இந்த "ஆங்கிலம்" வலைத்தளத்திற்கு நீங்கள் புதிய வருகையாளர் என்றால், உங்கள் பயிற்சிகளை ஆங்கில பாடப் பயிற்சி 1 லிருந்து தொடர்வதே பயனுள்ளதாக இருக்கும். முக்கியமாகக் "கிரமர் பெட்டன்களை" மனனம் செய்துக்கொள்ளுங்கள்.

சரி இன்றைய பாடத்திற்குச் செல்வோம்.

நாம் கடந்தப் பாடத்தில் “am/is/are going to” எனும் வாக்கிய அமைப்புகள் பற்றி கற்றோம். அவை எதிர்காலப் பயன்பாடுகளுக்கு உரியவை.

இன்று நாம் “was/were going to” என்பதன் பயன்பாட்டை விரிவாகப் பார்ப்போம்.

14. I was going to do a job.
நான் செய்யப்போனேன் ஒரு வேலை.

இவ்வாக்கிய அமைப்புகளின் பயன்பாடானது நாம் ஏதாவது ஒரு செயலை செய்ய திட்டமிட்டிருப்போம் (கடந்தக் காலத்தில்) ஆனால் அத்திட்டம் நிறைவேறாமல் அல்லது செயல்படுத்த முடியாமல் போயிருக்கும். இவ்வாறான வாக்கிய அமைப்புக்களை “The Future in the Past” என்கின்றனர்.

உதாரணம்:

I was going to visit to Tamil Nadu, but I couldn't get a visa.
நான் (பார்க்க) போகப்போனேன் தமிழ்நாட்டிற்கு ஆனால் எனக்கு கிடைக்கவில்லை வீசா.

I was going to watch a movie, but there wasn't enough time.
நான் பார்க்கப்போனேன் ஒரு திரைப்படம், ஆனால் நேரம் போதுமானதாக இருக்கவில்லை.

நான் (பார்க்க) போகப்போனேன் தமிழ்நாட்டிற்கு. இதில் “போகப்போனேன்” எனும் சொல், போகத் திட்டமிட்டிருந்தேன் எனும் பொருளிலேயே பயன்படுத்தப் பட்டுள்ளது என்பதை நினைவில் கொள்க.

Positive (Affirmative)
Subject + Auxiliary verb + going to + Main verb
1. I/ He/ She/ It + was + going to + do a job.
2. You/ We/ They + were + going to + do a job.

Negative
Subject + Auxiliary verb + not + going to + Main verb
1. I/ He/ She/ It + was + not + going to + do a job.
2. You/ We/ They + were + not + going to + do a job.

Question (Interrogative)
Auxiliary verb + Subject + going to + Main verb
1. Was + I/ he/ she/ it + going to + do a job?
2. Were + you/ we/ they + going to + do a job? இவற்றில் "Auxiliary verb "துணை வினை வாக்கியத்தின் ஆரம்பித்திலும் “Subject” ற்கு பின்னால் "going to" வந்துள்ளதையும் அவதானியுங்கள்.

இன்றையப் பாடத்தில் “First Person Singular and Third person Singular”, “Second Person Singular and Plural” போன்றவற்றின் போது ஏற்படும் வேறுப்பாடுகளைக் கீழே காட்டப்பட்டுள்ளது.

ஒலிவடிவிலும் பயிற்சி செய்யலாம் (Listening Practice)

Future in the Past...

பகுதி 1

Was I going to do a job?
நான் செய்யப்போனேனா ஒரு வேலை?
Yes, I was going to do a job.
ஆம், நான் செய்யப்போனேன் ஒரு வேலை.
No, I was not going to do a job. (wasn’t)
இல்லை, நான் செய்யப்போகவில்லை ஒரு வேலை.

Was he going to go to school?
அவன் போகப்போனானா பாடசாலைக்கு?
Yes, he was going to go to school.
ஆம், அவன் போகப்போனான் பாடசாலைக்கு.
No, he wasn’t going to go to school. (was + not)
இல்லை, அவன் போகப்போகவில்லை பாடசாலைக்கு.

Was she going to learn English?
அவள் கற்கப்போனாளா ஆங்கிலம்?
Yes, she was going to learn English.
ஆம், அவள் கற்கப்போனாள் ஆங்கிலம்.
No, she wasn’t going to learn English. (was + not)
இல்லை, அவள் கற்கப்போகவில்லை ஆங்கிலம்.

பகுதி 2

Were you going to do a job?
நீ செய்யப் போனாயா ஒரு வேலை?
Yes, you were going to do a job.
ஆம், நீ செய்யப்போனாய் ஒரு வேலை.
No, you weren’t going to do a job. (were + not)
இல்லை, நீ செய்யப்போகவில்லை ஒரு வேலை.

Were we going to speak in English?
நாங்கள் பேசப்போனோமா ஆங்கிலத்தில்?
Yes, we were going to speak in English.
ஆம், நாங்கள் பேசப்போனோம் ஆங்கிலத்தில்.
No, we weren’t going to speak in English. (were + not)
இல்லை, நாங்கள் பேசப்போகவில்லை ஆங்கிலத்தில்.

Were they going to learn English grammar?
அவர்கள் படிக்கப்போனார்களா ஆங்கில இலக்கணம்?
Yes, they were going to learn English grammar.
ஆம், அவர்கள் படிக்கப்போனார்கள் ஆங்கில இலக்கணம்.
No, they weren’t going to learn English grammar. (were + not)
இல்லை, அவர்கள் படிக்கப்போகவில்லை ஆங்கில இலக்கணம்.

இப்பொழுது கீழே இருபத்தைந்து “Affirmative Sentences” வாக்கியங்கள் கொடுக்கப்பட்டுள்ளது. அவற்றைப் பயிற்சி செய்வோம்.

1. I was going to join the military.
நான் சேரப்போனேன் இராணுவத்தில்.

2. I was going to tell a lie.
நான் சொல்லப்போனேன் ஒரு பொய்.

3. I was going to die in the accident.
நான் சாகப்போனேன் விபத்தில்.

4. I was going to fly to Canada
நான் பறக்கப்போனேன் கனடாவிற்கு.

5. I was going to go on vacation.
நான் போகப்போனேன் விடுமுறையில்

6. I was going to say my love.
நான் சொல்லப்போனேன் எனது காதலை.

7. I was going to send a SMS.
நான் அனுப்பப்போனேன் ஒரு குறுந்தகவல்.

8. I was going to go to university.
நான் போகப்போனேன் பல்கலைக் கழகத்திற்கு.

9. I was going to buy a BMW car.
நான் வாங்கப்போனேன் ஒரு BMW மகிழூந்து.

10. I was going to wash the dishes.
நான் கழுவப்போனேன் தட்டுகளை.

11. I was going to write my autobiography.
நான் எழுதப்போனேன் எனது சுயசரிதையை.

12. I was going to go swim in the sea.
நான் நீந்தப்போனேன் கடலில்.

13. I was going to play in the playground
நான் விளையாடப்போனேன் விளையாட்டு மைதானத்தில்

14. I was going to buy a motorcycle.
நான் வாங்கப்போனேன் ஒரு உந்துருளி.

15. I was going to miss the bus.
நான் தவறவிடப்போனேன் பேரூந்தை.

16. I was going to fight with them.
நான் சண்டையிடப்போனேன் அவர்களுடன்.

17. I was going to waste my time.
நான் வீணடிக்கப்போனேன் எனது நேரத்தை.

18. I was going to seek political asylum in Thailand.
நான் அரசியல் புகலிடம் கோரப்போனேன் தாய்லாந்தில்.

19. I was going to watch a movie
நான் பார்க்கப்போனேன் ஒரு திரைப்படம்.

20. I was going to go to the party
நான் போகப்போனேன் விருந்துபச்சார நிகழ்விற்கு

21. I was going to join the gym.
நான் சேரப்போனேன் தேகப் பயிற்சிச் சாலையில்.

22. I was going to die in Sri Lankan air raid
நான் சாகப்போனேன் சிறி லங்கா விமானத் தாக்குதலில்.

23. I was going to kill him
நான் கொல்லப்போனேன் அவனை.

24. I was going to take some photos
நான் எடுக்கப்போனேன் சில புகைப்படங்கள்.

25. I was going to travel around the world.
நான் பிரயானம் செய்யப்போனேன் உலகம் சுற்றிலும். (முழுவதும்)

Homework:

1. மேலே நாம் கற்ற 25 வாக்கியங்களையும் கேள்வி பதிலாக மாற்றி பயிற்சி செய்யுங்கள்.

2. மேலும் He, She, It, You, They, We போன்றச் சொற்களை இணைத்து வாக்கியங்கள் அமைத்து பயிற்சிப் பெறுங்கள்.

3. உங்கள் வாழ்க்கையில் (அதைச் செய்யப்போனேன், இதைச் செய்யப்போனேன் என) நீங்கள் வகுத்த எத்தனையோ எதிர்காலத் திட்டங்கள், கனவுகள், எதிர்ப்பார்ப்புக்கள் இருந்திருக்கும், அவற்றில் நிறைவேறாமல் போனவைகளைப் பட்டியல் இட்டுக்கொள்ளுங்கள். பின் அவற்றை இன்று நாம் கற்றதுப் போன்று ஆங்கிலத்தில் எழுதிப் பயிற்சி செய்யுங்கள்.

4. கீழுள்ளவாறு நீண்ட சொற்தொடர்களாகவும் எழுதி பயிற்சி செய்யலாம்.

I was going to visit my uncle in Point Pedro last year, but I couldn't get the pass.
நான் பார்க்கப் போகப்போனேன் என் மாமாவை பருத்தித்துறைக்கு, ஆனால் எனக்கு கிடைக்கவில்லை பயன அனுமதி. (எனவே மாமாவை பார்க்கும் திட்டம் நிறைவேறவில்லை)

I was going to wash the dishes, but there wasn't enough time.
நான் கழுவப்போனேன் தட்டுகளை, ஆனால் நேரம் (போதுமானதாக) இருக்கவில்லை.

I was going to rent a motorbike but I rented a car instead.
நான் வாடகைக்கு எடுக்கப்போனேன் ஒரு உந்துருளி ஆனால் (அதற்குப்) பதிலாக வாடகைக்கு எடுத்தேன் ஒரு மகிழூந்து.

I was going to take some photos but I forgot my camera.
நான் எடுக்கப்போனேன் சில புகைப்படங்கள் ஆனால் நான் மறந்துவிட்டேன் (எடுத்துச்செல்ல) புகைப்படக் கருவியை.

I was going to go to Kowloon park but I had homework to do at home.
நான் போகப்போனேன் கவ்லூன் பூங்காவிற்கு ஆனால் எனக்கு இருந்தது வீட்டுப் பாடங்கள் செய்வதற்கு வீட்டில்.

கவனிக்கவும்:

இன்றைய வாக்கிய அமைப்புகளில் (Forms) பயன்படுத்தப்பட்டிருக்கும், செய்யப்போனேன், போகப்போனேன், எடுக்கப்போனேன், பார்க்கப்போனேன் போன்ற சொற்தொடர்கள் ஒரு செயலை செய்ய எத்தனித்தேன், தயாரானேன் அல்லது முயற்சித்தேன் போன்ற அர்த்தங்களிலேயே பயன்படுத்தப்பட்டுள்ளது.

went - போனேன்

“போனேன்” எனும் இறந்தக்கால வினைச் சொல்லாக இங்கே பயன்படவில்லை என்பதை நினைவில் கொள்க.

வரைப்படம்

மீண்டும் அடுத்தப் பாடத்தில் சந்திப்போம்.

இன்றையப் பாடம் தொடர்பான சந்தேகங்கள் கேள்விகள் இருப்பின் வழமைப்போல் பின்னூட்டம் இட்டோ மின்னஞ்சல் ஊடாகவோ தொடர்புக்கொள்ளலாம்.

நன்றி

அன்புடன் ஆசிரியர் அருண் HK Arun Download As PDF